AA BHI JAO

Na dekhunga khab wo jis main tum na ho,
Na karunga baat wo jisme tumhara jikr na ho,
Ab aise na mujhe tum tadpao,
Aa bhi jao ab tum aa bhi jao.
Har ek gulista tumhara hoga,
mere har ek sapne pe adhikaar tumhara hoga,
Meri neendon ko ab na churao,
Aa bhi jao ab tum aa bhi jao.
Meri har ek dhadkan main tum ho,
Meri sanshon main ho tum,
Aake meri rooh main bas jao,
Aa bhi jao tum ab aa bhi jao.
Odh ke kafan main so jaunga,
Fir bhi na tum ko bhool paunga,
Mohabbat-E-bafa nibha jao,
Aa bhi jao ab tum aa bhi jao.

CHAND

chhip gaya hai mera chand aj na dikhega mujhe,
abto pura waqt yar kanto sa chubhega mujhe,
rat ki is chandni ko yun andhera kar diya hai
bar asma me kalapan dikhega mujhe
aye khuda is chan ko tu din mein ni dikhata ku hai
har sari ki radha ko kanha se ni milata ku hai
dekhna khuda tu ik din nam tera mit jayega
is dharti pavan par koi prem karne ni ayega
premiyo k liye tera nam lena paap hoga
fir is dharti par prem ek abhishap hoga

yogesh k y

CHUBHAN

Dil mein ik chubhan si hai,tum kaheen se aa jaao
Har taraf agan si hai,tum kaheen se aa jaao
.
.
Gham ki bheegi raaton mein apna dil nahin lagta
Aankh mein pawan si hai,tum kaheen se aa jaao
.
.
Ab khuli fiza mein bhi saans laina mushkil hai
Ab ajab ghhutan si hai,tum kaheen se aa jaao
.
.
Har khayyal-o-khawab par murdani si chhaai hai
Rooh par shikan si hai,tum kaheen se aa jaao
.
.
Hijr k andheron mein intezaar hai tera
Dil mein ik kiran si hai,tum kaheen se aa jaao

DARD

Sham K Parindon Ki Terha Loat Ate Hm Bhi
Muntazir Agr Koi Hamara Hota
Chand Taron Ki Talab Kise Thi
Bs Roshni K Liye Aik Sitara Hota
Hm Mai shayed Koi Kami Thi
Zaroor Koi Tarfdar Hamara Hota
Dunia K Logon KI Tamana Kise THi
Hm Ne Chaha Bs Aik Shaks Ko
Kash Wo Hamara Hota

KALPNA

APNA DIL PESH KAROON APNI WAFA PESH KAROON,
KUCH SAMAJH ME NAHI ATA TUJHE KYA PESH KAROON,
TERE MILNE KI KHUSHI ME KOI NAGMA CHHEROON,
YA TERE DARD KI JUDAAI KA GILA PESH KAROON,
MERE KHABON ME BHI TU MERE KHYALON ME BHI TU,
KONSI CHEZ TUJHE TUJHSE JUDA PESH KAROON,
JO TERE DIL KO LUBHA LE WO ADA MUJHME NAHI,
KYON NA TUJHKO KOI TERI HI ADA PESH KAROON

REAL LOVE STORYBY YOGESH KUMAR YADUVANSHI

REAL LOVE STORY FOR THOSE PERSON WHO NEVER TRUST THEIR PARTNER AND PAY A BIGGEST COST FOR THAT-



kabhi pyar kiya par shayad bharosa kar liya hota to do zindgi barbad na hoti,waqt hai 1996 ka ek ladka KANHA apne ma-papa ke sath jabalpur mein kadam rakhta hai,tarikh wohj aaj b na bhula hoga 23 june 1996 ka din ganganagar jabalpur ka rahwasi bane,pas ke hi ek school mein pitaji ne dakhila dilwa diya,woh school us 9 saal ke ladke ka turning point bana,12 july 1996 ko pahli bar school ki kaksha CHATURTH mein kadam rakha ,didiji mrs. vinita sachdeva par nazar na padkar ek cute moti si bachchi par nazar pad gayi,bas kya tha ,bachpan mein hi pyar kar baithe KANHA ji,ab bat ainse to suru hogi nahi ,fir bhi dimag tha hajiri lagte samay name pata kiya RADHA name mila,bas baju wali desk par baithte -baithte dekhte dekhte saal gujar diya,ab kaksha PANCHAM mein pahunch ladka avval aya aur bat suru ki,achcha laga ,koi mila hai,6th avval chahat ne dilaya,aur kaksha SAPTAM mein woh din aya ,jo shayad ana hi nahi tha,radha ji ne kisi aur se ijhar kar diya us wali umar mein,aur hamare KANHA ji anadar hi andar toot gaye,radha ji ka pyar gopi bana,aur fir kya tha ek ijjatdar school ke liye ye baat apmanjanak sabit hui,aur radha ji se bat karna hi band kar diya na sirf class ne balki swayam unke gopi ne,samay badhta ja raha raha tha,lekin KANHA top jaise vardan lekar hi aaye the ki RADHA unki hai aur rahegi,kaksha dasham mein pahunchkar kuchh ye pata chala KANHA fir avval aye lekin ab woh khushi nahi,kaksha EKADASH mein vishay parivartanm hua ,aur shayad radhaji ko pata chala ki KANHA ki pasanmd hain woh,ab radhaji ji asmanjas mein thi ,lekin kuchh to karna tha ,kyunki kanha unke pakke sakha ban chukle the,aur radha ji ne wahi kiya jo ek samajhdar ladki ko karna chahiye tha,

school ke din khatm hue ,KANHA ji dropper hue ENGINEERING ki taiyari ke liye radha ji b.com,aur gopi b. sc,aur achanak ek din coaching se lout te waqt nazar takrai,dono ruke kuchh bat hui to number liya woh samay tha 27 aug 2005,bas batcheet ka dour jari tha,KANHA kisi achche SHASKIYA ABHIYANTRIKI MAJHAVIDYALAYA mein dakhila le chuke the,aur 23 nov. 2006 ko pahli bar ijhar kiya ,aur radhaji ka uttar kuchh yun tha-"ghar walo ke khilaf kabhi nahi ja sakte hum woh hamari jaan le lenge humein muaff kardo KANHA"shayad ye sach bhi tha,lekin kanha gopi-radha ke liye galat fahmi bana chuke the,agali mulakat kachhpura pul par 29 sep. 2007 ko9 hui kanha ka janmdin,ek dairy milk di gayi,shaya woh aaj bhi KANHA apni diary mein rakhta hai,
lekin kanha ka bewkoof dimag ye samjh nahi pa raha tha ki woh kya kare,kyunki man mein galat fahmi banakar baitha tha,shayad woh ye bhi na janta tha ki KANHA ki MOHABBAT ke karan woh gopi ko rakhi bandh chuki lekin kanha ko sweekar nahi kiya hai abhi tak,

9 june 2010 ko woh waqt aya ki dono (KANHA-RADHA) movie dekhne gaye ,lekin kanha ka dimag na jane kya soch raha tha,aur woh akhiri mulakat 17 july 2010,jab radhaji n saf-saf kah diya ki kanha tum meri jindgi se chale jao,aur kanha wahan se hat gaye ye saoche bina ki shayad koi majboory hogi,(majboory shayad ye thi ki radha ghar se mar khakr aayi thi,) lekin kanha sirf apna swarth dekh rahe the aur,bhala bura bolkar wahan se hat gaye,

kanha ko ek badi ANTAR RASHTRIYA compny ne select kiya,aur waoh chjala gaya bina bataye ,aur achcnak ek din sandesh aya kanha humse na miloge,aur kanha noukri chhodkar wapas aa gaye,lekin unke man mein galatfahmi ghar chuki thi,woh jab bhi unko garha bajar road par jate dekhte to unko lagta ki woh gopi se milne jati hai ,lekin sachchai kuchh yun thi ki us ladki aaj tak us ladke ka ghar nahi dekha hai,usne keval us waqt par gopi se mili jab gopi ke pita ji ka dehant hua tha,lekin us m,anhus ghadi par hi kanha ki nazar unpar pad chuki thi,ye dour 2007 ka tha aur kanha is galat fahmi ke karan bahut bade chain smoker aur bahut bade drinker banke ubhare,

yahan par haal ye tha ki kanha radha ji ko muh par gali bak rahe the is galat fahmi ke karan aur dosto se bhi ulta seedha bolna,bas aur kuchh nahi mujhe dhoka diya mujhe dhoka diya,ladki gandi hai,ye woh jamane bhar ka,kanha ki drink itni badhi ki ek din unka lever kharab hua,

aur 3 saal bad achanak ek msg 14 may 2013 ko aya,KANHA I LOVE YOU ,WILL YOU MARRY ME,
aur dono mile to is galat fahmi ka ye natija hua ki kanha ne na sirf apni zindgi barbad ki balki radha yahan par ghut-ghut kar mar rahi thi,aur dil ki mareej ban chuki thi,HEART PATIENT ban chuki thi,ki do bhai bahan ban chuke dost par shak kiya,
natija ye tha ki radha ka kanha daru-cig. ka sevan karne laga tha jiska asar na sirf kanha par pad raha tha balki is kahani ,mein radha ka part nibhane bali ladki par b pad raha tha aur usne kasam kha li thi ki kanha se kabhi na milna hai na bat karni hai,lekin shayad khuda sachcche pyar karne walon ko milata hai,yahan par mahan radha hui,kunki woh janti thi ki unka kahnha kisi aur ladki ke chakkar mein bhi pad chuka tha kuchh samay ke liye,

Abhi kahani khatm kahan hui thi, KANHA pareshan ye sochkar ki chal kya raha hai.ek bar phone lagaya jaise taise jabardasti hi sahi…….

28 july 2013 sham 5:30

Tringgg

Tringggg

Hello

KANHA-mein KANHA bol raha hoon

RADHA-wrong number

KANHA-ok bye,

RADHA-ruko ghar ka mahol bahut kharab hai,plz is waqt phone mat laga mein raat mein lagaungi ,mujhe bahut mar padi hai,mera phone tod diya,aur ye ghar ka number hai,plz mat lagana

KANHA-ok mein intzar karunga

Usi raat 1:35 min

Tringgg

Tringggg

Hello koun

Mein RADHA

Mein KANHA

KANHA-kahan ho baba,kya hua ghar par

RADHA-aaj ke baad phone mat lagana ,tum bahut gande ladke ho,ghar wale bol rahe the ki tum juaa khelte ho,satta khelte ho aur bahut ganda ganda bol rahe the

KANHA-ye sab jhooth hai woh  log tumko bahka rahe hain ,aur tum bahak rahi ho,mein sharab pita tha lekin tumne kaha to maine chhod di,pagli mein juaa satta kyun khelunga

RADHA-nahi tum jhooth bol rahe ho,

KANHA-ok ,mein jhooth bol raha hoon,fir to ye bhi jhooth hai ki mein tumse pyar karta hoon,aur ye bhi jhooth hai ki maine tumhare liye kai kurwaniyan di hai na?

RADHA-sach bolo tum ye sab nahi karte na

KANHA-nahi baba tumhari kasam

RADHA-I love you

KANHA-I love you too

RADHA-mere ghar wale kabhi nahi manenge

KANHA-tum chaho to sab mumkin hai,tum hi sath chhod dogi to mein akela kya kar lunga

RADHA-mujhe chhod do

KANHA-agar tum ye kahdo ki mein tumse pyar nahi karti to chhod dunga,pakka

RADHA-nahi,I love you

KANHA- to mein tumhara wait karunga

RADHA-jab tum lout ke aaoge to mein tumse milungi

KANHA-mein us pal ka intzar karunga

RADHA-mummy jag gayi hain mein rakhti hoon,

KANHA-haan baba so ja ,

RADHA-mujhe jab bhi waqt milega mein phone lagaungi

KANHA-ok love you

RADHA-love you too, bye

Lekin agle hi din un gandi bato ka gussa KANHA bardast kar nahi paye aur RADHA ki maa ko phone laga kar na sir fool jaloon bol diya balki ye bhi bata diya ki raat ko dono ki baatein hui,is baat ka gussa RADHA par jam kar barpa,aur fir uske baad kabhi baat nahi hui dono ki,KANHA ka tension mein dimagi santulan bigad gaya aur noukri chhoot gayi,jisko RADHA ke ghar mein kuchh yoon bataya gaya ki,KANHA ne kabhi noukri ki hi nahi,

Khair in sab cheejo ko KANHA ko koi fark nahi padne wala tha,who keval apne ma-baap ki nazron aur RADHA ki nazron se darte the aur jamane ki parwah nahi karte the,

Lekin KANHA ke halat gambhir hote ja rahe the,hath mein noukri nahi aur ghar se bahar rah rahe the,makan ka kiraya,khane ka bill, kapde aur unke khud ke kharch,musibatein badhti ja rahi thi,kafi din ho gaye musibate badhti gayi ,kyunki woh  ghar walon se kuchh kah nahi sakte the,aur na chahte hue unhone MAIKHANE mein baira ki noukri karke apna kharcha c halane ki sochi aur usmein safal rahe,ab ek BAHU RASHTRIYA  COMPANY ka Engineer ek MAIKHANE mein noukari kar raha tha,

29 september 2013 KANHA  ka janmdin,socha shayad is din RADHA  ka phone aayega ,lekin ainsa nahi hua,balki KANHA ne jab contact karne ke liye prayas kiya to unko keval gandi gandi galiyon ka samna karna pad raha tha,aur samajh mein ye nahi aa raha tha ki  kya RADHA ko ye sab pata nahi chal raha hai,aur anise karte karte din kat te chale gaye,aur KANHA ki halat aur gambhir hoti gayi,aur na sirf tabiyat balki noukri na hone ke karan ijjat bhi kharab ho rahi thi,charo taraf se pareshan KANHA  ke paas marne ke alawa koi dusra rasta nazar nahi aa raha tha ,lekin usne apni sthiti ko sudharte hue  bahut kuchh sudhara aur zindgi aage chalne lagi,

Navratri ka antim din APRIL ka maah dono ka takrao mandir mein hua  KANHA ne socha shayad RADHA baat karegi,lekin ainsa nahi hua ,KANHA ne socha shayad maa sath mein hai isliye ainsa ho raha hai,leklin ainsa usdin kai dafa hua,tab KANHA ko kuchh gadbad nazar aayi,ki KANHA uttrakhand se Jabalpur aa gaye apni RADHA ke liye ,apni ijjat khoyi ,paisa khoya,noukri khoi,logo ki galiyan suni,ghar walon ki nazron mein gire sab kuchh hua aur RADHA  unse baat tak nahi kar rahi hai,aur unhone RADHA ko unke haal par chhod diya ,lekin baat yahan kahan rukne bali thi,yahan npar kisi teesre shaks ke dwara bahut badi GALATFAHMI paida ki gayi thi,KANHA  na sirf pareshan the balki dukhi bhi the ,aur unke samajh ye nahi aa raha tha ki ye sab itna galat chal kyun raha hai,unki MUHBOLI bahan jo ki RADHA  ki bahut achchi dost hai who bhi unse door thi ,na  sirf dooriyon mein balki halat kuchh anise the ki unki bahan SIDHDHI aur unke beech paiso ko lekar vivid chal raha tha ,aur SIDHDHI iske liye KANHA ko doshi maan rahi thi,aur KANHA apne aap ko begunah saabit nahi kar pa rahe,isliye SIDHDHI unse door thi,aur baat tak karna pasand nahi kar rahi thi,

KANHA Jabalpur mein bhale hi the lekin halat kuchh yun the ki jo log kabhi unke liye jaan dene ke liye taiyar rahte the woh bhi unka saatha chhod chuke the,aur is PREM-PRASANG ka majak banaya ja raha tha,jagah jagah beijjati ka shikar ho rahe the KANHA apni RADHA ke VIYOG mein lekin RADHA ka unse Milan nahi ho pa raha tha ,

Man mein bure bure khayal bhi aa rahe the,aur phir wohi sthiti ban rahi thi jo ki 2012 mein hui thi,ki KANHA logo ke beech apni RADHA ko bhala bura bolne lage ,aur gandi gandi gaaliyan bolne lage ,kyonki unko na sirf bura lag raha tha balki RADHA ke ooper KRODH bhi aa raha tha ,aur bahut kuchh ganda ho raha tha unke saath,jiska vayan woh kisi ke saath kar bhi nahi pa rahe the ,bas man hi man ghut rahe the aur apni RADHA ka intjar kar rahe the.

Yahan par unko pata chala ki RADHA ke pitaji TANTRIK vidya mein nipun hain,aur is vidya ka prayog karke unhone RADHA ki smriti se KANHA  ka vichar nikal diya hai,aur yahi hua ,aaj KANHA apne Jabalpur mein vaapas aaye aur kai baar RADHA se baat karne ki koshish ki lekin unka koi jabab nahi,balki pahchan ne se inkar kar diya………………………………….TO BE CONTINUED

DESHBHAKTI

Deshbhakt sainik ke liye parivar ki bhavna

ek bar ek sainik ladte ladte sarhad par apna sir katwa deta hai 

ab uske liye uske ghar wale kya sochte hain 
mein kavita mein vayan karta hoon

Babul ka pyar bhoola dadi ka dular bhoola motiyon ki mala meri ajtak na laya

holi ke rang bhoola deep ke umang bhoola rakhi ke tyohar bar bar bisar aya hai

bhabhi mera bhaiya janm se bhulakkad tha aaj usi adat ko fir se dohraya hai

jate samay Mata ka ashish lena bhoola tha
ate samay rann thal mein sheesh bhool aya hai

GUNAAHGAR

Gar Gunahgar tha mai to Saza di hoti,
Koi to Mujhe Jeene ki Wajah di hoti,

Na Manzil Na Mukaam, Na hi koi Safar,
Di hoti koi Wajah Chahe Bewajah di hoti,

Ji Paata nahi hu, Main Mar bhi nahi Paata,
Aakhir kuch to Mere Marz ki Dawa di hoti,

Kya Soch kar banaya tha Mujhko E Khuda,
Zindgi di to koi Jeene ki Ada di hoti,

Mita de Ab Mujhko Yu Mazaak na bana,
Seh leta har Saza gar Khata ki hoti..

MERA JANAZA

Tha Main Neend Mein
Or Mujhe Itna Sajaya Ja Raha Tha,
.
Bade Hi Pyar Se
Mujhe Nehlaya Ja Raha Tha,
.
Najane Tha Wo Konsa Ajab Khail
.
Mere Ghar Mein,
.
Bacchon Ki Tarah
Mujhe Kandhe Pe Uthaya Ja Raha
Tha,
.
Tha Paas Mere Mera Har Apna Us
Waqt,
.
Phir Bhi Main Har Kisi K Mu Se
Bulaya Ja Raha Tha,
.
Jo Kabhi Dekhte Bhi Na Thy,
Muhabbat Ki Nigha Se,
.
Un K Dil Se Bhi Pyar Mujh Pe Lutaya
Ja Raha Tha,
.
Maloom Nahi Heran Tha Har Koi,
Mujhe Sota Hua Dekh Kar,
Zor Zor Se Ro Kar Mujhe Hansaya Ja
Raha Tha,
Kaanp Utthi Meri Rooh,
Mera Wo Makaa'n Dekh Kar,
.
Pata Chala Mujhe DAFNAYA Ja Raha
Tha,
.
Ro Pada Phir Main Bhi Apna Wo
Manzar
Dekh Kar
.
Jahan Mujhe Hamesha ke Liye
sulaya ja raha tha.

VERY BEST OF KUMAR VISHWAS-

Shohrat Na Ata Karna Maula
Daulat Na Ata Karna Maula
Bas Itna Ata Karna Chahe Jannat Na Ata Karna Maula
Shamma e watan Ki Lau Par Jab Qurbaan Patanga Ho
Hothon Par Ganga Ho, Hathon Mein Tiranga Ho

Bas Ek Saza Hi Sune Sada
Barfeeli Mast Hawaon Mein
Bas Ek Dua Hi Uthe Sada
Jalte Tapte Sehraon Mein
Jeete Jee Iska Maan Rakhen
Mar kar Maryaada Yaad Rahe
Hum Rahen Kabhi Na Rahen Magar
Iski Saj Dhaj Aabaad Rahe
Godhra Na Ho Gujrat Na Ho
Insaan Na Nanga Ho
Hothon Par Ganga Ho, Hathon Mein Tiranga Ho
Shohrat Na Ata Karna Maula
Daulat Na Ata Karna Maula
Bas Itna Ata Karna Chahe Jannat Na Ata Karna Maula
Shamma e watan Ki Lau Par Jab Qurbaan Patanga Ho
Hothon Par Ganga Ho, Hathon Mein Tiranga Ho

Geeta ka gyan suno na suno, is dharti ka yashgaan sunein
Hum shabd-keertan sun na saken bharat maan ka jaigaan sunein
Parvadigaar,Main tere dwaar
Par le pukaar aaya hoon,
Chahe anjaan na sune kaan
Par jai-jai Hindustan Sunein
Jan man Mein Uchchal desh prem ka jaldh tiranga ho
Hothon par ganga ho hathon mein tiranga hon
Hothon par ganga ho hathon mein tiranga hon

 

BEST OF KUMAR VISHWAS

Baat uunchi thi magar baat jara kaam aanki

Usne jajbaat ki aukaat jara kam aanki
Wo farista keh kar mujhe jaleel karta raha
Mai insaan hoon, meri jaat jara kam aanki

~0~

Ek do din me wo ikraar kaha aayega
Har subah ek hi akhbaar kaha aayega
Aaj bandha hai jo inn baaton me to bahal jayenge
Roj inn baahon ka tyohaar kaha aayega

~0~

Jism ka aakhiri mehmaan bana baitha hoon
Ek ummid ka unvaan bana baitha hoon
Wo kahan hai ye hawaon ko bhi maloom hai magar
Ek bas mai hoon jo anjaan bana baitha hoon

~0~

Kitni duniya hai mujhe zindagi dene wali
Aur ek khwab hai tera ki jo mar jata hai
Khud ko tarteeb se jodun to kaha se jodun
Meri mitti me jo tu hai ki bikhar jata hai

~0~

Use yakeen tha khud pe ki bhool jayega,
Humein bhi dil pe bharosa tha, yaad rakhe hain
~0~
Na pane ki khushi hai kuch, na khone ka hi kuch gam hai, 
ye daulat aur shohrat sirf kuch jakhmo ka marham hai, 
ajab si kasmkash hai roj jeene me, roj marne me, 
mukkamal zindagi to hai magar poori se kuch kam hai.
~0~ 
Girebaan chaak karna kya hai seena aur muskil hai, 
Harek pal mushkurakar ask peena aur mushkil hai, 
Humari badnishibi ne humein bas itna sikhaya hai, 
kisi ke ishq me marne se jeena aur mushkil hai.

~0~

Mera apna tajurba hai tumhe batla raha hu main
koi lab chu gaya tha tab ke ab tak gaa raha hu main
bichud ke tum se ab keise jiya jaaye bina tadpe
jo me khud he nahi samjha wohi samjha raha hu main..
~0~
Mere jeene me marne me tumhara naam aaye
game saanse rok lu fir bhi yahi ilzaam aayega
har ek dhadkan me jab tum ho to fir apraadh kya mera
agar radha pukaregi to fir ghanshyam aayega...
~0~
koi patthar ki murat hai kisi patthar me murat hai
lo hamne dekh li duniya bahut hi khoobsurat hai
zamana apni samjhe par mujhe apni khabar ye hai
tujhe meri zaroorat hai, mujhe teri zaroorat hai.
~0~
koi manzil nahi jachati safar accha nai lagta
agar ghar laut bhi aau to ghar accha nahi lagta
karu kuch bhi me ab duniya ko sab accha hi lagta hai
mujhe kuch bhi tumhare bin magar accha nahi lagta
~0~
koi kab tak mahaj soche, koi kab tak mahaj gaaye
ilahi kya ye mumkin hai k kuch aisa bhi ho jaye.
mera mehtaab uski raat ke aagosh me pighale.
me uski neend me jaagu wo mujhme ghul ke so jaye.
~0~
Tumhi pe marta hai ye dil adawat kyo nahi karta
kai janmo se bandi hai bagawat kyo nahi karta..
kabhi tumse thi jo wo hi shikayat he jamane se
meri taarif karta hai mohabbat kyo nahi karta..
~0~
hame behosh kar saaki, pila b kuch nahi hamko.
karam bhi kuch nahi hamko, sila bhi kuch nahi hamko.
mohabbat ne dia he sab, mohabbat ne liya he sab
mila kuch b nahi hamko, gila bhi kuch nahi hamko.
~0~
ye dil barbad karke, isme kyo aabad rehte ho
koi kal keh raha tha tum Allahabad rahte ho.
ye keise sohrate mujhe ataa kar di mere maula
me sab kuch bhool jata hu magar tum yaad rehte ho.
~0~
pukare aankh me chadkar to khoo ko khoo samajhta hai 
andhera kisko kehta he ye bas jugnu samajhta hai 
hame to chaand taaro me tera hi roop dikhta hai 
mohabbat me numaish ko adaaye tu samajhta hai 
~0~
khud se bhi mil na sako itne paas mat hona
ishq to karna magar devdas mat hona
dekhna, chahna, mangna ya kho dena...
ye saare khel hai inme udaas mat hona.
~0~
Hamare sher sun kar ke jo khamosh itna hai
khuda jaane gurur-e-husn me madhosh kitna hai 
kisi pyaale se pucha hai surahi ne sabab may ka
jo khud behosh ho keise bataye hosh kitna hai..
~0~
jab aata he jeewan me khayalato ka hangama
haasi baato ya jazbato mulakato ka hangama
jawani ke kayamat daur me ye sochte hai sab
ye hangame ki raate hai ya he raato ka hangama
~0~
mile har jakhm ko muskan ko sina nahi aaya
amarta chahte the par Zehar pina nahi aaya
tumhari aur meri dasta me fark itna hai 
mujhe marna nahi aaya tumhe jeena nahi aaya
~0~
wo jiska teer chupke se jigar ke paar hota hai
wo koi gair kya apna hi ristedaar hota hai
kisi se apne dil ki baat tu kehna na bhule se
yaha khat bhi zara si der me akhbar hota hai.
~0~
Koi khamosh hai itna bahane bhul aaya hu
kisi ki ek tarannum me tarane bhul aaya hu
meri ab raah mat takana kabhi ai aasma walo
me ek chidia ki aankho me udaane bhul aaya hu.
~0~
Is udan pr ab sarminda me bhi hu or tu bhi hai, 
aasmaan se gira parinda me bhi hu or tu bhi hai,
chhoot gyi raste me jeene mrne ki saari kasme,
apne apne haal me jinda me bhi hu or tu bhi hai,
~0~
Khushhali me ik badhali, mein bhi hun aur tu bhi hai.
har nigah par ik sawaali, mein bhi hun aur tu bhi hai.
duniya kitna arth lagaye, ham dono ko malum hai.
bhare-bhare par khali-khali, mein bhi hun aur tu bhi hai.
~0~
Sab apne dil ke raja hai, sabki koi rani hai,
bhale prakashit ho na ho par sabki koi kahani hai.
bahut saral hai kisne kitna dard saha,
jiski jitni aankh hanse hai, utni peer purani hai.
~0~

mil gaya tha jo muqaddar wo kho ke nikla hun.
mein ek lamha hu har baar ro ke nikla hun.
raah-e-duniya me mujhe koi bhi dushwari nahi.
mein teri zulf ke pencho se ho ke nikla hun.
~0~ 
mehfil-mehfil muskana to padta hai,
khud hi khud ko samjhana to padta hai
unki aankho se hokar dil jana.
raste me ye maikhana to padta hai..
~0~ 
Nazar me sokhiya lab par mohabbat ka fasana hai
meri ummeed ki zad me abhi sara zamana hai
kai jeete hai dil ke desh par maloom hai mujhko
sikandar hun mujhe ek roz khaali haath jaana hai.
~0~ 
sab apne dil ke raja hai, sabki koi rani hai,
bhale prakashit ho na ho par sabki koi kahani hai.
bahut saral hai kisne kitna dard saha,
jiski jitni aankh hanse hai, utni peer purani hai.
~0~
Mai tera khwab jee loon par lachari hai,

Mera guroor meri khwahison pe bhari hai…!
Subaj ke surkh ujalon se teri maang saze,
Mere saamne to ye shyah raat saari hai….!!

~0~

Ek do roj me har aankhein ubb jaati hai,
Mujhko manjil nahi rasta samajhne lagte hai…!
Jinko haasil nahi wo jaan dete rahte hai,
Jinko mil jaun wo sasta samajhne lagte hai…!!

~0~

Aankhein ki chhat pe tahalte rahe kaale saaye,
Koi pahlo me ujale bharne nahi aaya…!
Kitni diwali gayi, kitne dashahare beete,
Inn munderon par koi deep na dharne aaya…!!

~0~

Gaon gaon gaata phirta hoon, khud me magar bin gaaya hoon,

Tumne baandh liya hota to khud me simat gaya hota main,
Tumne chhod diya hai to kitni door nikal aaya hoon main…!!

Kat na paayi kisi se chaal meri, Log dene lage mishaal meri…!
Mere jumloon se kaam lete hain wo, Band hai jinse bolchaal meri…!!

- Dr. Kumar Vishwas

Maikade band kare laakh zamane wale
sher me kam nahi aankho se pilane wale.
~0~
meri aankho me mohabbat ki chamak aaj bhi hai
halaki usko mere pyar pe shaq aaj bhi hai
naav me baith ke dhoye the usne haath kabhi 
poore talab me mehandi ki mehak aaj bhi hai.
~0~

saja ye hai ki neende cheen li dono ki aankho se

khata ye hai ki ham dono ne milkar khwaab dekha tha.

Unknow, but listen from Dr. Kumar Vishwas

POETRY ON KAWWALI TONE BY YOGESH KUMAR YADUVANSHI-

mein to karta wafa tu hui bewfa,
abto nazrein chhipana gajab ho gaya,

mein tera hamsafar na bana gam nahi,
tera ashiq banana gajab ho gaya,


Teri ankhon ki harkat nazar aa gayi'
tera ansu bahana gazab ho gaya,

yaad aayi teri maikde mein mein tha,
teri yaadein bhulana gazab ho gaya.

Tu jahan mein basa aye mere rahnuma,
dil se dhadkan churana gazab ho gaya,

antim 2 line
tu meri kabr par pahucha kyun bewfa,
ab mujhe DAFNANA gajab ho gaya

WOH

Din mein titaliyan unki khushboo ko sanwara karti hain,
aur raton mein jugnoo ruk ruk kar unhein nihara karte hain,
unko dekhe to barson ho gaye,
hum to ab tasveer se hi us chand ka deedara karte hain,

dekha humne baag se bhanwre ata pata,
ki banwre bhi unke pas yun mandraya karte hain,

ki asma ki kalima ko dekh yun laga,
ab to chand unki julfon me chhip jaya karte hain

yun basarste asma se maine jo poochh liya,
kyun baras raha hai tu kya khas bat hai,
asma rote hue mujhse kah diya,
chup kar ae besharm teri jaan udas hai,

asma ki chandni ko dekha jo laga,
ki poochlu khuda kya koi khas rat hai,
khuda mujhse hanskar bol utha,
woh saj rahi hai aaj kayamat ki rat hai