Deewana Saat Janmo Ka.........yogesh kumar

Bhul kar bhi anjana koun bana,
Tere pallu ka sitara koun bana,
Yad kar bewafa us ghari ko,
Tere dard me khushi ka najrana koun bana..............................

Bhul gaya teri aankho ko dekhkar,
Ki zindagi jeena mujhe bhi aata hai,
Tadap utha teri hansi ke liye,
Ki muskurana mujhe bhi aata hai,
Tu badlo se barish ki dua karti rahi,
Tujhe kya pata ki in aankho se bhi aansu baraste rahe,
Tere pyar me o sitamgar tu kya jane,
In aansuon ka asli malikana koun bana......................................
Mujhe tadapta dekh khush tu hai aaj,
Tujhe hansta dekh khush hu mai aaj,
Kai salo tak ab is dharti me na pyar hoga,
Log mudkar tujhe dekhenge to gunah hoga,
Mai janta hu bahut doulat hai tere pas deewano ki,
Par un deewano me saat janmo tak,
tere naam ka deewana koun bana......

MohabBat Ki Imtihaa...yogesh kumar

Aaj uski yadon ne mujhe phir se zindagi di hai,
Warna mai to lasho ke shahar me ji raha tha,
Dafan hokar bhi jab meri saansein chalne lagi,
To logo ne jana ki ye kisi ki yadon me tadap raha tha...........

..............
Meri hasti jab sab taraf se mit chuki thi,
Tab ja ke uske dil me mere liye aitbar aaya,
Farishte bhi jab bulane lage mujhe badi shiddat se,
Tab ja ke uske dil me mere liye pyar aaya,
Ab to ye aansu bhi badhawaash ho chale hai,
Inhe samhalna bahut mushkil hota hai,
Jane kya aag hai in aansuon me,
Ki mai to apne aansuon se jal raha tha..........................................
Mujhe badnaseeb na kahna hamdardo,
Maine pyar me bahut dard paya hai,
Sirf uski ek khushi ke liye,
Maine apne ummido ko khoon se bhigoya hai,
Ki aaj kuch saansein udhar lena chahta hu,
taki uske hathon apna intekal hote dekh saku,
Ki marne ke bad bhi jeena chahunga uski yadon me,
Ki uski yadon me main jeete ji mar raha 

BANJARA-yogesh kumar

Us banjare ka sapna ek aashiyana tha,

Use na mahal ki khwahish thi,Na hi sahan-e-shoukat ki chahat thi,

Use to bas kuch door talak apne armano ko sajana tha....................

Use na to raton ke andhere ka gum tha,Na hi din ki kirne us se kuch kah pati thi,

Use to bas apni rah me chalte-chalte,Kisi ke saanso ko uski rooh se milana tha..........................

Kisi ki khushi ki ibadat wo kya kare,Jab sath uske rab ki niymat thi,Kisi ke takalluf se

use kya milta,Jab sath uske kisi ki chahat thi,

Zinda Rah Saku...yogesh kumar

Na girte aansuo ki tadpan se aas hai,

na uthte hatho ki duayo se aas hai,

bas chahat is kadar ho mere dil me,

ki apni rooh ko mar ke bhi mai zinda rah saku................

ki zajbato ko bhi zinda rakhna tujhe ras na aya,

mujhe zalim bata meri bebasi ko mitane ka farman na paya,

sazish thi ya kasoor tha ki maine tujhse pyar kiya,

bas nafrat is kadar ho tere dil me,

ki apni rooh ko mar ke bhi mai zinda rah saku................

Sisakati aahen bhi mud-mud kar tera intezar karti hai,

tum miloge mujhe isi janam me ye mere rab se guhar karti hai,

mujhe besudh hona hai teri bahon me ab yahi meri zindagi ka maksad hai,

ab to marte waqt bas teri aahat ho mere dil me,

ki apni zindagi ko mar ke bhi mai zinda rah saku........