POETRY ON KAWWALI TONE BY YOGESH KUMAR YADUVANSHI-

mein to karta wafa tu hui bewfa,
abto nazrein chhipana gajab ho gaya,

mein tera hamsafar na bana gam nahi,
tera ashiq banana gajab ho gaya,


Teri ankhon ki harkat nazar aa gayi'
tera ansu bahana gazab ho gaya,

yaad aayi teri maikde mein mein tha,
teri yaadein bhulana gazab ho gaya.

Tu jahan mein basa aye mere rahnuma,
dil se dhadkan churana gazab ho gaya,

antim 2 line
tu meri kabr par pahucha kyun bewfa,
ab mujhe DAFNANA gajab ho gaya

WOH

Din mein titaliyan unki khushboo ko sanwara karti hain,
aur raton mein jugnoo ruk ruk kar unhein nihara karte hain,
unko dekhe to barson ho gaye,
hum to ab tasveer se hi us chand ka deedara karte hain,

dekha humne baag se bhanwre ata pata,
ki banwre bhi unke pas yun mandraya karte hain,

ki asma ki kalima ko dekh yun laga,
ab to chand unki julfon me chhip jaya karte hain

yun basarste asma se maine jo poochh liya,
kyun baras raha hai tu kya khas bat hai,
asma rote hue mujhse kah diya,
chup kar ae besharm teri jaan udas hai,

asma ki chandni ko dekha jo laga,
ki poochlu khuda kya koi khas rat hai,
khuda mujhse hanskar bol utha,
woh saj rahi hai aaj kayamat ki rat hai

NAGAR VADHU-YOGESH KUMAR

devi ,desh ki garima,bharat mata aur na jane kitne name humne nariyon ko diye aur shayad dete jayenge.lekin kabhi kabhi jab sach ka parda dekhta hoon to ye shabd bahut jhoothe aur dhundhle nazar aate hain,kabhi RAJA SATYAVAN vale is desh mein nariyo ko devi ki padvi di jati thi,aur ghar ki laxmi kaha jata tha.par kuchh dino se ainsa lagta hai ki shayad woh log to apna kam kar gaye hain ab hum ya to use nibha nahi pa rahe hain ya nibhana nahi chahte hai.
                                                                       
                                                            aaj bharat jis desh mein nariyon ko devi kaha jata tha woh PROSTITUTION mein apni padvi chouthi rakhta hai,jo na sirf kafi sarmnak hai balki chintajanak hai,DELHI ,KOLKATA,MUMBAI,PUNE aur na jane kitne shahar aur jagah hai jahan par ladkiyon ki dalali aur unki deh ka souda kiya jata hai,
hal hi ke sarve ne ye bataya ki mumbai ke ek ilake mein 500 kotho mein 10,000 ladkiyan vaishya vratti ka dhandha karti hain,aur ye to ek jagah ka aankda hai vaki jagah ka hall to aur behal hai,

to be contd................

KYUN

koi yeh kaise bataye ki woh tanha kyun hai,
jism apna hai toh rooh be panah kyun hai,

is jahan se us jahan tak sukoon hi nahi,
bekraar meri duniya ki har jagah kyun hai,

raas aai na koi khushi kabhi mujhko,
yeh ek dard phir mere jeene ki wajah kyun hai,

jiski nafrat mein bhi nahi jagah mere jasbaon ki,

uski mohabbat mein zindagi fannah kyun hai,

shauk hai mere hothon ko bahut lafzon ka,

chup rehne ko phir dil ne kahaa kyun hai

HASRAT

Waqt-waqt tujhe ye waqt du,

hasrat-hasrat tujhse ye hasrat rakhu,

na sahil ki tamana karu,

na is dariye me doobu,

mohabat-mohabat mai to sirf tujhse mohabat karu....................................

rukh kar kuch is tarah,

ki har rukh ko tujh tak mod saku,

rah ab tu mujhse beparvah,

ki parvah teri mai zindagi se jyada kar saku............................................

chahat-chahat tu kar meri is kadar,

ki tujhse juda ho ke bhi mai juda na l;agu,

fakat-fakat pahal kuch is kadar kar pyar ki,

ki ye thame to bas aakhiri saanso pe thame......

MATLAB

Mujhse matlab na puch aye matlabi yaar,
tere matlab ne meri zindagi tabah ki hai,
mai jis aashiyane me rahta tha tere samne,
tune us puri basti ko mere samne uzad di hai...........................
kuch kahte the kasoor raha hoga tera shayad,
maine apne aapko har waqt bekasoor paya hai,
jin gunaho se baksa hai tune mujhe,
un gunaho ki khushi tere chehre pe dikhayi di hai...........................
aaj barish bhi kuch ghar chhodkar girti hai,
unhe bhi pata hai mera ghar bikhar raha hai,
teri ulfato ne behosh kar diya hai mujhe,
jane kya zalim tune mujhe behoshi ki dawai di hai..

yadi ek bar mail na payu..

In suni si aankho me,
kya chahat k sapne sajayu,
ki itna chahkar bhi tujhse,
yadi ek bar mail na payu....................................
tujhe pane ki aas me,
har pal apni bahein failayu,
tujhe muskurata hua dekh,
mai khud ko bhi bhool jayu,
ki itna chakar bhi tujhse,
yadi ek bar mil na payu......................................
roshni ki aad me mai,
andhero se lad jayu,
tujhe apna hota dekh mai,
khushi se jhoom jayu,
ki itna chakar bhi tujhse,
yadi ek bar mail na payu....................................
teri masumiyat pe mai,
kuch apna pyar jatayu,
ki teri har ek khushi ke liye,
mai khud ko bhi maar jayu,
ki itna chahkar bhi tujhse,
yadi ek bar mail na payu...............